A kashi na farko mun yi bayani game da abubuwan da ke jawowa mutum ya sanya makullin motarsa domin tashinta amma kuma ya juya makullin ya ji shiru, sai dai wata kara, kyat, kyat.
A yau za mu yi bayani ne game da yanayin da za ka ji injin motar na juyawa amma taki tashi.
2. ABUBUWAN DA KE JAWOWA INJIN MOTA YA JUYA A LOKACIN TAYAR DA MOTAR AMMA MOTAR TAKI TASHI.
Irin wannan yanayi kan faru ne a dalilin daya ko biyu ko kuma ma duka daga cikin abubuwa uku kamar haka: 1. Matsalar Mai 2. Matsalar Wuta a Fulogi 3. Rashin Cikakykyiyar Tunkudar Iska a Tukunyar Gashin Inji ko kuma " Lack of Compression" a turance.
Yanzu za mu daukesu daya bayan daya mu yi bayani
1. MATSALAR RASHIN MAI
- Matsalar famfon fetur (fuel pump)
- Matsalar rile (relay) na famfon fetur
- Matsalar layin wayar lantarki
- Rashin man fetur ko gas a mota
- Man fetur ko gas mara kyau
- cusashshiyar matatar mai (fuel filter)
- cusashshen layin mai ko kuma layin man da yake a huje
- Matsalar kafireto (carburetor) ko injesta (injector)
- Matsalar abin da ke kintata kwaranyar mai (fuel pressure regulator)
- Rashin zuwan wuta ga injesta
- Shigar iska wurin da bai kamata ta shiga ba (vacuum leak)
- Matsalar fulogi
- Matsalar wayar fulogi
- Matsalar tukunyar waya (ignition coil)
- Matsalar disfito (distributor)
- Matsalar Masansana (sensors)
- Matsalar Kwakwalwar mota (ECU)
- Tsinkewar tamin bel (timing belt)
- Karyewar karan shaf (crankshaft)
- Cushewar salansa. A irin wannan yanayi inji zai iya tashi amma kuma nan da nan zai mutu
Sai mun hadu a batu na gaba.
Za ka iya yin duk wata tambaya game da matsalar mota. Idan kana da tambaya sai ka latsa kalmar 'comment' da ke kasan wannan makala ka rubuta, mu kuma za mu baka amsa insha'Allah.
Za ka iya Like dinmu.
No comments:
Post a Comment